Azərbaycan beynəlxalq təşkilatlarda fəal iştirak edən və dövlətlər arasında əməkdaşlığın inkişafına töhfə verən ölkələrdən biridir. Prezident İlham Əliyev AQEM-in 7-ci Zirvə Görüşündə çıxışı zamanı Azərbaycanın təşkilata iki il ərzində sədrliyi dövründə görülən işlər haqqında məlumat vermişdir. O, ölkəmizin təşkilatın gücləndirilməsinə və üzv dövlətlər arasında əməkdaşlığın genişləndirilməsinə xüsusi diqqət ayırdığını bildirmişdir.
Azərbaycanın sədrliyi dövründə nəqliyyat, rəqəmsallaşma, ətraf mühitin mühafizəsi, turizm, təhsil və elm sahələrində əməkdaşlığın təşviqi prioritet istiqamətlər olmuşdur. Bu sahələr müasir dünyanın inkişafında mühüm yer tutur. Dövlətlər arasında təcrübə mübadiləsi və birgə layihələrin həyata keçirilməsi ümumi tərəqqiyə kömək edir.
Prezidentin qeyd etdiyi kimi, üzv dövlətlərin dəstəyi ilə həyata keçirilən təşəbbüslər nəticəsində AQEM-in institusional və hüquqi imkanları möhkəmlənmiş, üzvlərinin sayı genişlənmişdir. Bu, təşkilatın regional və beynəlxalq məsələlərdə rolunun artmasına şərait yaradır.
Azərbaycanın sədrliyi ölkəmizin diplomatik təcrübəsini və beynəlxalq əməkdaşlığa verdiyi əhəmiyyəti nümayiş etdirir. Gələcəkdə də AQEM çərçivəsində aparılan dialoq dövlətlər arasında etimadın möhkəmlənməsinə və ortaq problemlərin həllinə xidmət edə bilər.
Emilya Abdullayeva,
Ağstafa rayon Mərkəzi Kitabxana Sisteminin əməkdaşı
