Hər bir nəslin özündən əvvəlki nəsildən aldığı ən qiymətli əmanət azad və müstəqil Vətəndir. Biz də bu gün əlimizdə tutduğumuz üçrəngli bayrağımızı gələcək nəsillərə təmiz, şərəfli və daha da güclü şəkildə ötürmək məsuliyyətini daşıyırıq. Gənclərimizin bu əmanətin həqiqi dəyərini dərk etməsi ölkəmizin gələcək taleyi üçün həyati əhəmiyyət daşıyır.
Tarixin dərsləri açıq şəkildə göstərir ki, əldə olunmuş nailiyyətləri qorumaq onları qazanmaqdan daha çətindir. Buna görə də gənc nəslin təhsilə, elmə və vətənpərvərliyə yiyələnməsi dövlət siyasətinin əsas prioritetidir. Onların qəlbində bayrağa və Vətənə olan sevgi güclü olarsa, dövlətimiz də hər zaman sarsılmaz olar.
Təhsil ocaqlarında bayrağımızın müqəddəsliyi uşaqlara hələ kiçik yaşlarından sevgi ilə aşılanır. Onlar öyrənirlər ki, bu bayraq minlərlə insanın arzularının, mübarizəsinin və qələbəsinin nəticəsidir. Gələcəyin qurucuları olan bu uşaqlar sabah bayrağımızı daha yüksək zirvələrə qaldıracaqlar.
Bu əmanət bizim ən böyük milli sərvətimiz və iftixar mənbəyimizdir. Onu göz bəbəyi kimi qorumaq və gələcəyə ötürmək hər bir azərbaycanlının şərəf məsələsidir. Azərbaycan bayrağı əbədi olaraq nəsillərdən-nəsillərə miras qalacaqdır.
Eyyub Cumayev,
YAP Nizami rayon təşkilatının fəalı
