YAP Nəsimi rayon təşkilatının yeni ərazi partiya təşkilatı təsis edilib
“M.Qaşqay küçəsi 87” ünvanı (“Respublika Elmi Tədqiqat Hemiotologiya və Transfiziologiya İnstitutu”) üzrə yeni ərazi partiya təşkilatı təsis edilib.
Aktualinfo.az xəbər verir ki, Yeni Azərbaycan Partiyası Nəsimi rayon təşkilatı “M.Qaşqay küçəsi 87” ünvanı (“Respublika Elmi Tədqiqat Hemiotologiya və Transfiziologiya İnstitutu”) üzrə yeni ərazi partiya təşkilatı təsis edilib.
Təsis iclasında çıxış edən YAP Nəsimi rayon təşkilatının sədri Azər Süleymanov bildirib ki, Yeni Azərbaycan Partiyası o vaxtkı mövcud vəziyyətdə bütün Azərbaycan xalqının mənafelərinə xidmət etmək və xalqın o ağır dövründə ölkəmizin qarşısında duran məsələlərin həlli üçün zamanın tələblərinə uyğun olaraq, zərurətdən yaranmış bir partiyadır.
Sonra çıxış edən Respublika Elmi Tədqiqat Hemiotologiya və Transfiziologiya İnstitutunun direktoru Sərdar Əsədov qeyd edib ki, Yeni Azərbaycan Partiyasının xarici əlaqələri çox genişdir və bu əlaqələr gündən-günə genişlənir. Eyni zamanda, ölkə daxilində mövqelər çox möhkəmdir. Partiya demək olar ki, cəmiyyətimizin bütün təbəqələrini, bütün yaş qruplarını birləşdirir. Yeni Azərbaycan Partiyası, sözün əsl mənasında, ümumxalq partiyasıdır.
Çıxışlardan sonra səsvermə keçirilib və “M.Qaşqay küçəsi 87” ünvanı üzrə ərazi partiya təşkilatı təsis edildi. Respublika Elmi Tədqiqat Hemiotologiya və Transfiziologiya İnstitutunun Tibbi sığorta və xəstə xidmətləri şöbəsinin müdiri Murad Köçərli yekdilliklə “M.Qaşqay küçəsi 87” ünvanı üzrə ərazi partiya təşkilatının sədri, İnformasiya texnologiyaları şöbəsinin müdiri Kamran Babayev isə sədr müavini seçildi. Ərazi partiya təşkilatının seçilmiş sədr və sədr müavini göstərilmiş etimada görə təşəkkürlərini bildiriblər.
