YAP Nəsimi rayon təşkilatının qərargahında ərazi partiya təşkilatı sədrinin 60 illik yubileyi qeyd olunub

Yeni Azərbaycan Partiyası Nəsimi rayon təşkilatının qərargahında Nəsimi rayonu “Bülbül prospekti 36” ünvanında yerləşən ərazi partiya təşkilatının sədri Budaqova Sevinc Budaq qızının 60 illik yubileyi qeyd olunub.

Aktualinfo.az xəbər verir ki, bu münasibətlə YAP Nəsimi rayon təşkilatının sədri Azər Süleymanov, Nəsimi rayon İcra Hakimiyyətinin başçısı Asif Əsgərov və aparatının əməkdaşları, məktəb direktorları, ərazi partiya təşkilatının sədrləri və nümayəndələri təbrik edərək, möhkəm can sağlığı, gələcək işlərində nailiyyətlər arzu ediblər.

Tədbirdə ilk olaraq, YAP Nəsimi rayon təşkilatının sədri Azər Süleymanov öz təbrik və arzularını bölüşüb, sonra isə Nəsimi rayon İcra Hakimiyyətinin başçısı Asif Əsgərov Sevinc xanımı ürəkdən təbrik edib, daha sonra xoş arzularını çatdırmaq üçün söz “M.Cəlal küçəsi 40” ərazi partiya təşkilatının sədri Sitarə Abbasovaya, “M.Cəlal küçəsi 26” ərazi partiya təşkilatının sədri Esmira Məmmədovaya və “S.Rüstəm küçəsi 25” ərazi partiya təşkilatının sədri Sevinc Axundovaya verilib. Yubiley tədbirinin sonunda büstün önündə xatirə şəkli çəkdirilib.