Üçtərəfli Bəyanat

2020-ci  il sentyabrın 27- də Ermənistanın   növbəti  hərbi  təcavüzünə   cavab  olaraq Azərbaycan xalqı işğal   altındakı   torpaqların   azad   edilməsi məqsədilə Azərbaycan Respublikasının Prezidenti,  Ali Baş Komandan İlham Əliyevin rəhbərliyi ilə Vətən müharibəsinə başlayıb.

44 gün sürən hərbi  əməliyyatlar nəticəsində Müzəffər Azərbaycan Ordusu  oktybrın 3-də Tərtər rayonunun   Suqovuşan qəsəbəsi,  oktyabrın  4-də  Cəbrayıl   şəhərini , oktyabrın  9-da  Xocavənd  rayonunun   Hadrut  qəsəbəsini,  oktyabrın  17-də  Füzuli  şəhərini,  oktyabrın  20 – də  Zəngilan   şəhərini, oktyabrın   25- də Qubadlı   şəhərini , noyabrın  8- də isə  Şuşa  şəhərini   işğaldan  azad  edib, ümumilikdə   300- dən  çox   yaşayış   məntəqəsi,  həmçinin   Ağdərə , Murovdağ , Zəngilan  istiqamətlərində   mühüm   strateji  yüksəkliklər  işğaldan   azad  olunub. Noyabrın 8-də Şuşanın işğaldan azad edilməsi ilə Ermənistan məğlubiyyətini qəbul  edib.

Noyabrın 10-da Azərbaycan Prezidenti İlham Əliyev, Rusiya Prezidenti Vladimir Putin və Ermənistanın Baş Naziri  Nikol   Paşinyan   arasında   Bəyanat   imzalanıb.  10  noyabr   2020- ci il  tarixində   Moskva   vaxtı  ilə  saat  00:00-dan   etibarən   Dağlıq Qarabağ   münaqişəsi   zonasında   atəşin   və  bütün   hərbi  əməliyyatların  tam  dayandırılması  elan  olunur. Prezodent qeyd edib  ki, bu bəyanat bizim şanlı  qələbimizdir. Qələbənin əldə  olunmasında Azərbaycan  xalqının   birliyinin  mühüm   rolu   var.   Ölkəmizdə   yaşayan  bütün   millətlərin   nümayəndələri, bütün   dini  konfessiyaların   nümayəndələri  cəsarət   göstərərək,  düşmənlə   vuruşaraq   Azərbaycanın  ərazi  bütövlüyünü   bərpa  etdilər.  Bu, bizim  böyük  sərvətimizdir, böyük  dəyərimizdir. Xoşbəxtəm ki, biz öz Vətənimizə, doğma  Qarabağımıza  qayıdırıq və bu torpaqlarda əbədi yaşayacağıq! Bundan  sonra heç kim bizi o torpaqlardan tərpədə bilməz!

Bəyanata əsasən, Azərbaycan və Ermənistan arasında əsirlərin və cəsədlərin mübadiləsi həyata keçirilib. Prezident   İlham  Əliyevin   müharibənin   bitməsindən  sonra  imzalandığı  sərəncamlarla   Vətən  müharibəsinin  başlandığı  gün  -27  sentyabr   Anım  Günü,  Şuşanın  işğaldan  azad  edildiyi   gün- 8 Noyabr  isə  Zəfər  Günü  kimi  təsis  edilib.

Nəsirova Ofelya,
KBTRL- nin  tarix  müəlliməsi