Qazilərimizin Həyat Hekayələri: Yaşayan Qəhrəmanlıq
Vətən müharibəsinin qaziləri xalqımızın canlı qəhrəmanlıq salnaməsidir. Onlar öz sağlamlıqlarını Vətən uğrunda fəda edərək torpaqlarımızın azad olunmasında misilsiz rol oynadılar. Hər bir qazimizin döyüş yolu, göstərdiyi şücaət və yaşadığı anlar gələcək nəsillər üçün əsl örnəkdir.
Müharibədən sonra dövlət və cəmiyyət tərəfindən qazilərimizə göstərilən diqqət və qayğı ən yüksək səviyyədədir. Onların müalicəsi, reabilitasiyası, ən müasir protezlərlə təmin olunması və sosial rifahının yaxşılaşdırılması istiqamətində ardıcıl tədbirlər görülür. YAŞAT Fondu və digər dövlət qurumları bu müqəddəs işdə fəal iştirak edirlər.
Qazilərimiz döyüş meydanında olduğu kimi, mülki həyatda da böyük iradə və əzm nümayiş etdirirlər. Onların bir çoxu təhsillərini davam etdirir, müxtəlif sahələrdə çalışır, idman yarışlarında ölkəmizi layiqincə təmsil edirlər. Onların həyat sevgisi və nikbinliyi hər kəsə ruh verir.
Zəfər Günündə qazilərimizi ehtiramla yad etmək, onların yanında olmaq hər bir vətəndaşın mənəvi borcudur. Onlar bizim aramızda yaşayan qəhrəmanlarımızdır və biz onlara əbədi minnətdarıq. Qazilərimizin varlığı qələbəmizin canlı təcəssümüdür.
Ruhəngiz Heydərova,
YAP Nizami rayon təşkilatının “Əliağa Kürçaylı küçəsi, 3” ərazi partiya təşkilatının sədri
