Laçın – iqtisadi canlanmanın yeni mərhələsi

Laçının azad olunmasından sonra bölgədə iqtisadi fəaliyyətin bərpası istiqamətində mühüm addımlar atılıb. Yeni müəssisələrin yaradılması və sənaye zonalarının formalaşdırılması şəhərin iqtisadi potensialını artırır. Bu proses qayıdan sakinlərin məşğulluğu üçün də yeni imkanlar yaradır.

Laçın Aqro-Sənaye Parkının yaradılması iqtisadi inkişaf baxımından mühüm layihələrdən biridir. Parkda müxtəlif istehsal sahələrinin fəaliyyət göstərməsi nəzərdə tutulur. Mebel, yeyinti, yüngül sənaye, balıqçılıq və digər istiqamətlər şəhərin iqtisadi strukturunun şaxələndirilməsinə imkan verəcək.

Ayaqqabı və tikiş fabriklərinin fəaliyyətə başlaması artıq bu istiqamətdə real nəticələrin yarandığını göstərir. Bu müəssisələr yerli sakinlərin işlə təmin olunmasına və istehsal bacarıqlarının inkişafına xidmət edir. Müəssisələrin fəaliyyətinin genişlənməsi gələcəkdə məşğulluq imkanlarını daha da artıra bilər.

Laçının iqtisadi dirçəlişi şəhərin dayanıqlı gələcəyi üçün vacib şərtdir. İnsanların yaşadığı yerdə işləməsi, istehsal və sahibkarlıq imkanlarının mövcudluğu şəhərin sosial həyatını da canlandırır. Laçın bu baxımdan yeni iqtisadi mərkəz kimi formalaşma yolundadır.

Fariz Hüseynli,
YAP Nizami rayon təşkilatının fəalı