2026-cı il oktyabrın 27-də Bakıda “Ortaq gələcək naminə dialoq” mövzusunda keçirilən VII Ümumdünya Mədəniyyətlərarası Dialoq Forumunda Azərbaycan Respublikasının Prezidenti İlham Əliyev çıxış edib. Dövlət başçısı çıxışında mədəniyyətlərarası dialoqun, həmrəyliyin, qarşılıqlı hörmətin və anlaşmanın bəşəriyyətin ortaq gələcəyi baxımından mühüm əhəmiyyət daşıdığını vurğulayıb.
Prezident İlham Əliyev qeyd edib ki, Azərbaycan müxtəlif mədəniyyətlərin, dinlərin və sivilizasiyaların bir araya gəldiyi, qarşılıqlı hörmət və tolerantlıq ənənələrinin qorunduğu ölkədir. Ölkəmizdə tarixən formalaşmış multikulturalizm mühiti xalqlar arasında dostluğun, əməkdaşlığın və birgəyaşayışın möhkəmlənməsinə xidmət edir.
Dövlət başçısının vurğuladığı kimi, həmrəyliyin, qarşılıqlı hörmətin və anlaşmanın ən yüksək səviyyəsini həqiqətən hiss edirik. Bu yanaşma Azərbaycanın dünyada sülhün, dialoqun və humanist dəyərlərin təşviqinə verdiyi töhfənin ifadəsidir. Müxtəlif mədəniyyətlərə və dini inanclara sahib insanların bir araya gəlməsi, fikir mübadiləsi aparması və ortaq məqsədlər ətrafında birləşməsi beynəlxalq münasibətlərdə etimadın möhkəmləndirilməsi baxımından xüsusi əhəmiyyət daşıyır.
Azərbaycanın ev sahibliyi etdiyi Ümumdünya Mədəniyyətlərarası Dialoq Forumu ölkəmizin beynəlxalq miqyasda dialoq və əməkdaşlıq platforması kimi mövqeyini daha da gücləndirir. Forum müxtəlif ölkələrin nümayəndələrini, beynəlxalq təşkilatları və mədəniyyət xadimlərini bir araya gətirərək qlobal problemlərin müzakirəsinə, qarşılıqlı anlaşmanın inkişafına və sülhün təşviqinə imkan yaradır.
Müasir dünyada münaqişələrin, ayrı-seçkiliyin və dini-mədəni ziddiyyətlərin qarşısının alınması üçün dialoq, qarşılıqlı etimad və hörmət mühüm şərtlərdir. Bu baxımdan, Prezident İlham Əliyevin çıxışında səsləndirdiyi fikirlər beynəlxalq əməkdaşlığın genişləndirilməsi, xalqlar arasında münasibətlərin möhkəmləndirilməsi və daha təhlükəsiz gələcəyin qurulması istiqamətində mühüm mesajlar verir.
Azərbaycan xalqının milli-mənəvi dəyərləri, tolerantlıq ənənələri və müxtəlif mədəniyyətlərə açıq münasibəti ölkəmizin dünyada sülh və həmrəylik ideyalarının təşviqində mühüm rol oynadığını nümayiş etdirir.
VII Ümumdünya Mədəniyyətlərarası Dialoq Forumu bir daha təsdiq edir ki, ortaq gələcəyin qurulması yalnız qarşılıqlı hörmət, anlaşma, əməkdaşlıq və həmrəylik əsasında mümkündür. Prezident İlham Əliyevin çıxışında ifadə olunan bu prinsipial yanaşma Azərbaycanın sülhə, dialoqa və bəşəri dəyərlərə sadiqliyinin mühüm göstəricisidir.
İsrayılov Amil Faiq oğlu,
YAP Şirvan şəhər təşkilatı Məsləhətçi
