Azərbaycan xalqının tarixində elə günlər var ki, həmin günlərənəzər salanda yalnız keçmişi deyil, gələcəyi də görməkmümkündür. 20 Sentyabr məhz belə tarixlərdəndir. Bu günAzərbaycanın dövlətçilik tarixində ərazi bütövlüyünün və dövlətsuverenliyinin tam təmin olunması ilə bağlı mühüm mərhələniifadə edir. Bir zamanlar Qarabağın hər bir guşəsi haqqında danışarkən xalqımızın səsində nisgil duyulurdu. Şuşanın adı çəkiləndə qəlblərdə həsrət, Ağdam yada düşəndə kədər, Xocalı xatırlananda ağrı hiss olunurdu. İşğal altında qalan torpaqlarımızın hər bir qarışı xalqımızın yaddaşında müqəddəs əmanət kimi qorunurdu. Bu yaddaş Azərbaycan xalqının mənəvi gücünün göstəricisi idi. Doğma yurdlarından didərgin düşmüş ailələr illərlə geri qayıdacaqları günün xəyalı ilə yaşadılar. Onların qurduğu hər yeni evdə, böyütdüyü hər uşaqda doğma torpağa qayıdış ümidi yaşayırdı.
2020-ci ilin Vətən müharibəsi bu tarixi arzunun reallaşması yolunda dönüş yaratdı. Azərbaycan Ordusunun qazandığı Zəfər nəticəsində işğal altında olan torpaqlarımızın böyük hissəsi azad edildi. Azərbaycan xalqı illər sonra doğma torpaqlarından gələn sevindirici xəbərləri böyük qürurla qarşıladı.
2023-cü ilin sentyabrında baş verən hadisələr isə Azərbaycanın öz suverenliyini bütün ərazisində təmin etməsi ilə nəticələndi. Sentyabrın 20-si beləliklə dövlətçilik tariximizin mühüm günlərindən birinə çevrildi. Dövlət Suverenliyi Gününün mahiyyəti ilk növbədə bütövlük anlayışında özünü göstərir. Bu bütövlük yalnız coğrafi anlayış deyil. O, həm də insanların eyni bayraq altında, eyni dövlətçilik dəyərləri ətrafında birləşməsidir.Bu gün Qarabağın və Şərqi Zəngəzurun siması sürətlə dəyişir. İşğal illərində dağıdılmış yaşayış məntəqələri yenidən qurulur. Yeni yollar, məktəblər, sosial obyektlər yaradılır. İnsanların öz ata-baba yurdlarına qayıtması tarixi ədalətin bərpasının ən mühüm göstəricilərindən biridir. Hər yeni salınan kənd, hər yenidən qurulan şəhər Azərbaycanın gələcəyə baxışının ifadəsidir. Bu torpaqlarda qurulan həyat yalnız tikinti və infrastruktur layihələrindən ibarət deyil. Burada tarix yenidən yazılır, insanların xatirələri ilə gələcəyin ümidləri bir araya gəlir.
20 Sentyabrın mənəvi yükünü artıran amillərdən biri də şəhidlərimizin xatirəsidir. Azərbaycan xalqı bilir ki, əldə edilən Zəfər böyük fədakarlıqlar hesabına qazanılıb. Vətən uğrunda canını fəda edən qəhrəmanlarımızın müqəddəs xatirəsi hər zaman uca tutulacaq. Bu gün gənc nəsil Qarabağın azadlığını artıq yalnız bir arzu kimi deyil, gerçəklik kimi görür. Onlar Şuşanı, Ağdamı, Füzulini, Zəngilanı, Qubadlını, Laçını, Kəlbəcəri və digər əraziləri yeni siması ilə tanıyırlar. Bu, tariximizin ən böyük dəyişikliklərindən biridir.
Dövlət Suverenliyi Günü həm də gələcəyə məsuliyyət hissini gücləndirir. Azərbaycanın müstəqilliyinin və suverenliyinin qorunması hər bir vətəndaş üçün müqəddəs vəzifədir. Dövlətin gücü xalqın həmrəyliyi ilə daha da möhkəmlənir. 20 Sentyabr Azərbaycanın bütövlüyünün, milli iradəsinin və dövlətçilik əzminin rəmzidir. Bu tarix xalqımızın keçdiyi çətin yolu, qazandığı Zəfəri və qarşıdakı quruculuq yolunu özündə birləşdirir.
Bu gün üçrəngli bayrağımızın Azərbaycanın bütün ərazilərində dalğalanması tariximizin ən təsirli mənzərələrindən biridir. Bayrağın hər bir dalğası xalqımızın yaddaşında qorunan arzuların, şəhidlərimizin müqəddəs xatirəsinin və gələcək nəsillərə ötürülən dövlətçilik əmanətinin ifadəsidir.
Ülviyyə Tağıyeva,
YAP Xəzər rayon təşkilatının fəalı
