Dekabrın 15-da Yeni Azərbaycan Partiyası (YAP) Nəsimi rayon təşkilatının “Bülbül prospekti 30” ünvanında yerləşən (“Xalq qəzeti” redaksiyası) ərazi partiya təşkilatının iclası keçirildi.
İclasda YAP Nəsimi rayon təşkilatının sədri Azər Süleymanov, “Xalq qəzeti”nin rəhbər şəxsləri, həmçinin redaksiyanın YAP ərazi partiya təşkilatının üzvləri iştirak etdilər.
YAP Nəsimi rayon təşkilatının sədri Azər Süleymanov tədbiri giriş sözü ilə açaraq iclasın gündəliyi barədə məlumat verdi. O, çıxışında bildirdi ki, hazırda ərazi partiya təşkilatının sədri vəzifəsinə yeni nümayəndənin seçilməsinə zərurət yaranmışdır.
İclasda İnformasiya və multimedia şöbəsinin müdiri Səbuhi Məmmədovun namizədliyi irəli sürüldü və təklif səsə qoyuldu.
S.Məmmədov yekdilliklə YAP ərazi partiya təşkilatının sədri seçildi. Beləliklə, Səbuhi Məmmədov Yeni Azərbaycan Partiyası Nəsimi rayon təşkilatının “Bülbül prospekti 30” (Xalq qəzeti) ünvanında fəaliyyət göstərən ərazi partiya təşkilatının sədri seçildi
Sonda çıxış edən ərazi partiya təşkilatının yeni sədri Səbuhi Məmmədov göstərilən etimada görə partiya üzvlərinə təşəkkürünü bildirdi, təşkilatın fəaliyyətinin daha da gücləndirilməsi istiqamətində fəal və məsuliyyətli iş aparacağını vurğuladı.
