Azərbaycan və Türkmənistan arasındakı əlaqələr tarixin dərinliklərinə, ortaq mədəni ənənələrə və bölgənin strateji geosiyasi maraqlarına söykənir. Xalqımızı qardaş edən dil, din və mədəni irs, bu münasibətlərin əsası kimi dayanıqlılıq təmin edir. Müstəqillik illərində isə bu qardaşlıq, siyasi və iqtisadi sferalarda qarşılıqlı hörmət və əməkdaşlıq ruhunda formalaşaraq güclənmişdir.
Ümummilli lider Heydər Əliyev, Türkmənistanla münasibətləri strateji önəmli olaraq həyata keçirmişdir. Onun təşəbbüsləri ilə imzalanan sazişlər, ölkələr arasında diplomatik və iqtisadi əməkdaşlığın möhkəm təməlini qoydu. Heydər Əliyev vurğulayırdı ki, millətlərimizi birləşdirən bağlar keçici deyil, gələcək dövrlərdə də istiqamət verən amillərdir.
Azərbaycan Prezidenti İlham Əliyev bu əlaqələri strateji tərəfdaşlıq səviyyəsinə yüksəltmişdir. Qarşılıqlı səfərlər, nəqliyyat və enerji sahələrində birgə layihələr iki ölkənin gələcək strateji vizyonunun mərkəzində dayanır. Orta Dəhliz layihəsi, Xəzər dənizində əməkdaşlıq və mədəni-humanitar bağların genişlənməsi bu münasibətlərin təzahürüdür.
Avqustun 22‑də Prezident İlham Əliyev Türkmənistana işgüzar səfər etmişdir. O, Türkmənistan Xalq Məsləhətinin sədri Qurbanqulu Berdiməhəmmədovun dəvəti ilə rəsmi qarşılanma mərasimi ilə ölkəyə gəlmişdir.
Səfər çərçivəsində mühüm dövlət görüşləri keçirilmiş, tərəflər enerji, nəqliyyat‑logistika, ticarət, mədəni‑humanitar sahələrdə əməkdaşlığın geniş perspektivlərini müzakirə etmişlər.
Xüsusilə Füzuli və Arxadağ şəhərlərinin qardaşlaşma protokolunun imzalanması, həmçinin Türkmənistandan Füzulidə məscid inşası barədə razılaşma iki xalq arasında həm siyasi, həm dini-mənəvi bağları daha da möhkəmləndir.
Bununla yanaşı, bu səfər dövründə Azərbaycanın, Türkmənistan və Özbəkistan arasında üçtərəfli yüksək səviyyəli görüş də baş tutmuşdur ki, bu da regional geosiyasətdə yeni imkanların açılmasının göstəricisidir.
Saparmurat Niyazovdan başlayaraq indiki liderlər – Qurbanqulu Berdiməhəmmədov da daxil olmaqla – Azərbaycanla əlaqələrin inkişafına siyasi iradə ilə dəstək vermişlər. Qarşılıqlı səfərlər və memorial layihələr bu dostluğun həm siyasi, həm mənəvi təməlini möhkəmləndirir.
Bu dostluq yalnız diplomatik jestlərlə məhdudlaşmır – Xəzərin enerji ehtiyatlarının səmərəli idarəsi, nəqliyyat koridorlarının genişləndirilməsi, Orta Dəhliz layihəsinin davamı və mədəni-humanitar əməkdaşlıq dostluğumuzu müxtəlif sahələrdə prioritetə çevirir. Səfərlər, protokollar və regional koordinasiya bu hədəflərin ardıcıl reallaşmasının əsas şərtləridir.
Azərbaycan–Türkmənistan münasibətləri Heydər Əliyevin qurucu vizionu vəPrezident İlham Əliyevin strateji siyasi xətti ilə sabit inkişaf etmiş, Türkmənistan liderlərinin dəstəyilə bu dostluq bugünkü gücünə çatmışdır. 22 Avqust 2025-dəki rəsmi səfər bu əlaqələrdə yeni bir mərhələ açır, münasibətlərimizin strateji tərəfdaşlıq səviyyəsində irəliləməsinə stimul verir. İki qardaş dövlətin yanaşı inam və bir yola bağlılığı, region üçün sabitlik və rifahın açarıdır.
İslam Bafadarov,
Yeni Azərbaycan Partiyasının məsləhətçisi
