Müasir dövrdə beynəlxalq münasibətlər sistemində baş verən sürətli dəyişikliklər, yeni təhlükəsizlik çağırışları və geosiyasi proseslər dövlətlər arasında əməkdaşlığın daha da gücləndirilməsini zəruri edir. Bu baxımdan Türk Dövlətləri Təşkilatı çərçivəsində həyata keçirilən fəaliyyət, üzv ölkələr arasında siyasi, iqtisadi, humanitar və təhlükəsizlik sahələrində əməkdaşlığın inkişafına mühüm töhfə verir. Təşkilata üzv dövlətlərin təhlükəsizlik üzrə rəhbər şəxslərinin Bakıda bir araya gəlməsi də bu əməkdaşlığın daha da möhkəmləndirilməsi baxımından əhəmiyyətli hadisə kimi qiymətləndirilir.
Prezident İlham Əliyevin Türk Dövlətləri Təşkilatına üzv ölkələrin təhlükəsizlik üzrə rəhbər şəxsləri ilə görüşü zamanı səsləndirilən fikirlər Türk dünyasında həmrəyliyin, qarşılıqlı etimadın və ortaq maraqlara əsaslanan əməkdaşlığın vacibliyini bir daha nümayiş etdirdi. Görüşdə təhlükəsizlik sahəsində koordinasiyanın gücləndirilməsi, regional sabitliyin qorunması və mövcud çağırışlara qarşı birgə fəaliyyətin əhəmiyyəti vurğulandı.
Azərbaycan Türk Dövlətləri Təşkilatının fəal üzvlərindən biri kimi təşkilat çərçivəsində inteqrasiya proseslərinin dərinləşməsinə xüsusi önəm verir. Ölkəmiz siyasi dialoqun genişləndirilməsi, iqtisadi əlaqələrin inkişafı və nəqliyyat-kommunikasiya layihələrinin həyata keçirilməsi ilə yanaşı, təhlükəsizlik sahəsində əməkdaşlığın gücləndirilməsinə də mühüm töhfələr verir. Bu yanaşma regionda sülhün, sabitliyin və davamlı inkişafın təmin olunmasına xidmət edir.
Türk dövlətləri ortaq tarix, mədəniyyət və mənəvi dəyərlərlə bağlı olmaqla yanaşı, oxşar təhlükəsizlik çağırışları ilə də üz-üzədirlər. Bu baxımdan informasiya mübadiləsinin genişləndirilməsi, təhlükəsizlik strukturları arasında əlaqələrin möhkəmləndirilməsi və qarşılıqlı dəstək mexanizmlərinin inkişaf etdirilməsi xüsusi əhəmiyyət kəsb edir. Müasir təhdidlərə qarşı effektiv mübarizə yalnız birgə fəaliyyət və koordinasiya şəraitində mümkün ola bilər.
Azərbaycanın təşəbbüsü və fəal iştirakı ilə həyata keçirilən regional layihələr ölkələr arasında etimad mühitinin möhkəmlənməsinə, əməkdaşlığın yeni istiqamətlər üzrə inkişafına şərait yaradır. Prezident İlham Əliyevin çıxışında da Türk Dövlətləri Təşkilatının beynəlxalq nüfuzunun artdığı, üzv ölkələr arasında həmrəyliyin gücləndiyi və təşkilatın regional proseslərdə rolunun daha da artdığı məqamları ön plana çıxarılıb.
Bu gün Türk dünyasının qarşısında duran əsas vəzifələrdən biri təhlükəsizlik, sabitlik və inkişaf naminə birgə səylərin artırılmasıdır. Bakıda keçirilən görüş və burada səsləndirilən mesajlar göstərir ki, Türk Dövlətləri Təşkilatı üzv ölkələr arasında əməkdaşlığın möhkəmləndirilməsi istiqamətində mühüm platformaya çevrilib. Bu əməkdaşlıq həm regionun təhlükəsizliyinə, həm də üzv dövlətlərin milli maraqlarının qorunmasına mühüm töhfə verir.
Prezident İlham Əliyevin Türk Dövlətləri Təşkilatına üzv ölkələrin təhlükəsizlik üzrə rəhbər şəxsləri ilə görüşü Türk dünyasında birlik, həmrəylik və qarşılıqlı dəstək prinsipinin növbəti dəfə təsdiqi oldu. Bu görüşdən verilən mesajlar gələcəkdə təşkilat daxilində əməkdaşlığın daha da genişlənəcəyinə və ortaq məqsədlərin həyata keçirilməsinə xidmət edəcəyinə dair mühüm əhəmiyyət daşıyır.
Yunis Eyyubov,
YAP Ağstafa rayon təşkilatının əməkdaşı
