Azərbaycan ilə Çin arasında vizasız rejimin tətbiq olunması barədə sənədin imzalanması, hər iki ölkənin vətəndaşları üçün mühüm bir irəliləyiş kimi qiymətləndirilir. Bu qərar sadəcə diplomatik münasibətlərin güclənməsi deyil, həm də xalqlar arasında sıx təmasların təşviqi baxımından əlamətdardır. Xüsusilə sadə vətəndaşların vizasız səyahət imkanına malik olması, bu yeniliyin sosial və mədəni əhəmiyyətini daha da artırır.
Prezident İlham Əliyevin bu məsələ ilə bağlı verdiyi açıqlamada bildirdiyi kimi, sənədin imzalanması “hər bir pasport sahibi üçün möhtəşəm xəbər”dir. Bu, dövlətin öz vətəndaşlarına açıq dünya imkanları yaratmaq istiqamətində atdığı konkret və praktik addımlardan biridir. İndi Azərbaycan və Çin vətəndaşları daha sərbəst şəkildə qarşılıqlı səfərlər edə, turizm, təhsil və işgüzar sahələrdə əlaqələrini asanlıqla genişləndirə biləcəklər.
Vizasız rejimin tətbiqi həmçinin iqtisadi baxımdan da ciddi potensial vəd edir. İki ölkə arasında ticarət əlaqələrinin genişlənməsi, biznes forumlarının təşkili və sərmayə yatırımlarının qarşılıqlı təşviqi daha rahat və çevik şəkildə həyata keçiriləcək. Bu qərar, Şərq ilə Qafqaz arasında dinamik və dayanıqlı bir körpünün qurulmasına yardımçı olacaq.
Əldə olunan bu razılaşma təkcə bugünkü ehtiyaclara cavab vermir, həm də gələcəyə yönəlik strateji baxışı əks etdirir. Azərbaycan və Çin arasındakı dostluğun dərinləşməsi üçün atılan bu addım, xalqlar arasında yaxınlaşmanı daha da sürətləndirəcək və qarşılıqlı anlayışı gücləndirəcək.
Turan Zeynalzadə
YAP Xəzər rayon təşkilatının fəalı
