| Qubadlı rayonu Azərbaycanın cənub-qərbində, Qarabağ yaylasının cənub-şərqində yerləşən füsunkar bir diyardır. Təbiətin gözəlliyi, dağların əzəməti və çayların sərinliyi bu bölgəyə xüsusi gözəllik bəxş edir. Tarix boyu strateji mövqeyi ilə seçilən Qubadlı həm iqtisadi, həm də mədəni baxımdan mühüm əhəmiyyət kəsb edib.
Rayonun ərazisi dağlıq və yarıdüzənlik relyefə malikdir. Bu xüsusiyyət Qubadlıya həm kənd təsərrüfatı, həm də turizm baxımından böyük potensial verir. Həkəri çayı və onun qolları torpaqları bərəkətli edir, yaşıl meşələr isə bölgənin təbii sərvətini tamamlayır. Qubadlının hər guşəsində həm tarix, həm də təbiət nəfəs alır. Qubadlı sakinləri zəhmətsevərliyi, qonaqpərvərliyi və vətənpərvərliyi ilə tanınır. Uzun illər işğal altında qalan bu torpaq, indi öz doğmalarını yenidən qucaqlayır. Qayıdan insanlar öz evlərini bərpa edir, həyatın səsini bir daha bu yerlərə qaytarır. Bu gün Qubadlı təkcə coğrafi mövqe baxımından deyil, həm də mənəvi dəyəri ilə ön plana çıxır. Qarabağ yaylasının cənub-şərqində yenidən doğulan bu torpaq, azadlığın və milli dirçəlişin simvoluna çevrilib. Kamran Mustafayev
|
