2026-cı il martın 11-də Azərbaycanda rəsmi səfərdə olan Avropa İttifaqı Şurasının Prezidenti Antonio Costa ilə Yeni Azərbaycan Partiyasının Sədri, Prezident Ilham Aliyev arasında keçirilən görüş və sonrasında səsləndirilən birgə mətbuat bəyanatı Azərbaycan Respublikası ilə Avropa İttifaqı Şurası arasında münasibətlərin inkişafı baxımından mühüm əhəmiyyət daşıyır. Bu səfər tərəflər arasında siyasi dialoqun, iqtisadi əməkdaşlığın və enerji tərəfdaşlığının daha da genişləndirilməsi istiqamətində yeni imkanlar açan mühüm hadisə kimi qiymətləndirilir.
Birgə mətbuat bəyanatı zamanı Prezident İlham Əliyev Azərbaycan ilə Avropa İttifaqı arasında əlaqələrin son illər ərzində dinamik şəkildə inkişaf etdiyini vurğulamışdır. Dövlət başçısı bildirmişdir ki, Azərbaycan Avropa İttifaqı ilə müxtəlif sahələrdə səmərəli əməkdaşlıq qurmuş etibarlı tərəfdaşdır. Hazırda Azərbaycanın Avropa İttifaqına üzv olan bir çox dövlətlərlə strateji tərəfdaşlıq haqqında sənədləri mövcuddur və bu, münasibətlərin yüksək səviyyədə olduğunu göstərir.
Prezident İlham Əliyev qeyd etmişdir ki, Azərbaycan regionda sabitliyin, təhlükəsizliyin və əməkdaşlığın möhkəmləndirilməsinə töhfə verən ölkədir. Ölkəmiz həyata keçirdiyi balanslaşdırılmış və praqmatik xarici siyasət sayəsində beynəlxalq münasibətlər sistemində etibarlı tərəfdaş kimi qəbul olunur. Avropa İttifaqı ilə əməkdaşlıq da məhz bu siyasətin mühüm istiqamətlərindən biridir.
Mətbuat bəyanatında xüsusi diqqət yetirilən məsələlərdən biri enerji sahəsindəki əməkdaşlıq olmuşdur. Prezident İlham Əliyev Azərbaycanın Avropanın enerji təhlükəsizliyində oynadığı mühüm rolu qeyd edərək bildirmişdir ki, ölkəmiz Avropa bazarına sabit və etibarlı enerji tədarükçüsüdür. Azərbaycanın təşəbbüsü ilə həyata keçirilən böyük enerji layihələri Avropanın enerji mənbələrinin şaxələndirilməsinə mühüm töhfə verir.
Azərbaycanın zəngin enerji resursları və müasir enerji infrastrukturu Avropa İttifaqı üçün strateji əhəmiyyət daşıyır. Eyni zamanda ölkəmiz yalnız ənənəvi enerji sahəsində deyil, həm də bərpa olunan enerji istiqamətində geniş əməkdaşlıq imkanları təklif edir. Bu istiqamətdə həyata keçirilən layihələr Azərbaycanın “yaşıl enerji” siyasətinin mühüm tərkib hissəsidir.
Birgə bəyanat zamanı regional təhlükəsizlik məsələləri də müzakirə edilmişdir. Prezident İlham Əliyev Cənubi Qafqazda davamlı sülhün və sabitliyin təmin olunmasının Azərbaycanın əsas prioritetlərindən biri olduğunu vurğulamışdır. Dövlət başçısı regionda uzunmüddətli sülhün təmin olunması üçün Azərbaycanın konstruktiv mövqe nümayiş etdirdiyini diqqətə çatdırmışdır.
Avropa İttifaqı Şurasının Prezidenti Antonio Koşta da öz növbəsində Azərbaycanın regionda mühüm rol oynadığını qeyd etmiş, Avropa İttifaqının Cənubi Qafqazda sabitlik və əməkdaşlıq mühitinin möhkəmləndirilməsini dəstəklədiyini bildirmişdir.
Görüş zamanı iqtisadi və ticarət əməkdaşlığının genişləndirilməsi məsələləri də diqqət mərkəzində olmuşdur. Azərbaycan ilə Avropa İttifaqı arasında ticarət dövriyyəsi son illər artmaqda davam edir. Avropa İttifaqı Azərbaycanın əsas ticarət tərəfdaşlarından biridir və ölkəmizin ixracında mühüm paya malikdir.
Bu baxımdan tərəflər yeni investisiya imkanlarının araşdırılması, nəqliyyat-logistika layihələrinin inkişafı və qarşılıqlı iqtisadi əlaqələrin dərinləşdirilməsi istiqamətində əməkdaşlığın genişləndirilməsinin vacibliyini qeyd etmişlər.
Antonio Koşta çıxışında Azərbaycanın Avropa İttifaqı üçün mühüm tərəfdaş olduğunu vurğulamış və tərəflər arasında siyasi dialoqun inkişafından məmnunluğunu ifadə etmişdir. O qeyd etmişdir ki, Avropa İttifaqı Azərbaycan ilə müxtəlif sahələrdə – enerji, nəqliyyat, ticarət, iqlim dəyişiklikləri və regional təhlükəsizlik kimi istiqamətlərdə əməkdaşlığı daha da genişləndirmək niyyətindədir.
Prezident İlham Əliyev və Avropa İttifaqı Şurasının Prezidenti Antonio Koştanın səsləndirdikləri fikirlər göstərir ki, tərəflər qarşılıqlı etimada əsaslanan əməkdaşlığı daha da gücləndirməkdə maraqlıdırlar.
Azərbaycanın geosiyasi mövqeyi, enerji resursları, nəqliyyat imkanları və sabit siyasi mühiti ölkəmizi Avropa İttifaqı üçün etibarlı tərəfdaş kimi önə çıxarır. Bu baxımdan Azərbaycan–Avropa İttifaqı münasibətlərinin gələcəkdə daha da genişlənəcəyi və yeni əməkdaşlıq istiqamətlərinin formalaşacağı şübhəsizdir.
Ziya Vəliyev,
YAP Şəki rayon təşkilatının sədr müavini
