Prezident İlham Əliyevin 2025-ci ilin idman yekunlarına həsr olunan mərasimdə iştirakı ölkədə idmanın inkişafına verilən davamlı diqqətin bariz nümunəsi kimi yadda qaldı. Tədbir dövlətin idman siyasətinin nəticələrinin dəyərləndirildiyi, eyni zamanda yeni hədəflərin müəyyənləşdirildiyi mühüm platforma rolunu oynadı. Mərasimdə idman ictimaiyyətinin nümayəndələri, federasiya rəhbərləri və tanınmış idmançılar iştirak edirdi.
Çıxışı zamanı Prezident İlham Əliyev Azərbaycan idmançılarının beynəlxalq arenalarda qazandığı uğurları xüsusi vurğuladı. O qeyd etdi ki, əldə edilən nailiyyətlər uzunmüddətli strategiyanın, düzgün idarəetmənin və gənclərə göstərilən qayğının nəticəsidir.
Dövlət başçısı idmanın yalnız fiziki güc deyil, həm də milli ruh və intizam formalaşdıran mühüm sahə olduğunu diqqətə çatdırdı.Mərasim çərçivəsində 2025-ci il ərzində fərqlənən idmançılar, məşqçilər və idman xadimləri mükafatlandırıldı. Onlara fəxri adlar, orden və medallar təqdim olundu. Bu anlar zalda toplaşanlar üçün təkcə təltif deyil, həm də illərlə göstərilən zəhmətin rəsmi etirafı kimi qəbul edildi.Tədbirin yekununda Prezident İlham Əliyev qarşıdakı illər üçün idman sahəsində prioritet istiqamətlərdən danışdı. Yeni idman obyektlərinin inşası, regionlarda gənclərin idmana cəlb edilməsi və peşəkar hazırlıq sisteminin təkmilləşdirilməsi əsas hədəflər sırasında göstərildi. Mərasim bir daha sübut etdi ki, Azərbaycan idmanı dövlət siyasətinin ayrılmaz tərkib hissəsidir.
Ələkbər Novruzov,
YAP Xəzər rayon təşkilatının fəalı
