Müstəqil Azərbaycanın milli təhlükəsizlik strategiyasında Silahlı Qüvvələrin inkişafı daim prioritet mövzu olmuşdur. Bu inkişaf təkcə say və struktur baxımından deyil, döyüş qabiliyyəti və texniki təchizat baxımından da nəzərəçarpacaqdır. Müdafiə qabiliyyətinin gücləndirilməsi yalnız hərbi deyil, eyni zamanda siyasi və iqtisadi sabitliyin qorunması üçün zəruri vasitədir.
Orduya göstərilən diqqət müxtəlif istiqamətləri əhatə edir. Maddi-texniki baza müasir standartlara uyğunlaşdırılır, hərbi hissələrdə şərait yenilənir, şəxsi heyətin təminatı yüksək səviyyədə həyata keçirilir. Hərbi hissələr üçün yeni silahlar, rabitə sistemləri və nəqliyyat vasitələri alınır, hərbi təlimlərdə real döyüş şəraitinə uyğun ssenarilər tətbiq olunur.
Əsgər və zabitlərin fiziki və mənəvi hazırlığı xüsusi proqramlarla dəstəklənir. Psixoloji davamlılıq, intizam, taktiki təlimlər və peşəkarlıq bu sahədə əsas göstəricilərdir. Müdafiə gücünün artırılması üçün beynəlxalq əməkdaşlığa da yer verilir – dost ölkələrlə ortaq təlimlər və təcrübə mübadiləsi Silahlı Qüvvələrin çevikliyini artırır.
Güclü ordu yalnız dövlətin müdafiə qalası deyil, həm də xalqın əmin-amanlıq hissinin təminatçısıdır. Milli Ordunun davamlı şəkildə yenilənməsi və gücləndirilməsi Azərbaycanın gələcəkdə də öz suverenliyini və ərazi bütövlüyünü qorumağa tam hazır olduğunu nümayiş etdirir.
Günay Şahverdiyeva
YAP Xəzər rayon təşkilatının fəalı
