Daşkənddə İqtisadi Əməkdaşlıq Təşkilatının 16-cı Zirvə toplantısı

İqtisadi Əməkdaşlıq  Təşkilatı  1985- ci  ildə  Mərkəzi  Asiya  və  Yaxın  Şərq  ölkələri  tərəfindən  yaradılmış  regional  dövlətlərarası  iqtisadi  təşkilatdır, 1977-ci ildə  İran, Pakistan  və  Türkiyə  tərəfindən  təsis  edilmiş  Regional  Əməkdaşlıq  və  İnkişaf  Təşkilatının  varisidir. 1992-ci  ilin  əvvəlinə  qədər  İqtisadi  Əməkdaşlıq  Təşkilatı  çərçivəsində  əməkdaşlıq  əsasən  ikitərəfli  xarakter  daşıyırdı.1992-ci ildən  təşkilatın  fəaliyyəti  7 yeni dövlətin- Qazaxıstan, Azərbaycan, Əfqanıstan, Qırğızıstan, Tacikistan, Türkmənistan  və Özbəkistan  könüllü  qoşulması  ilə  əhəmiyyətli  dərəcədə  fəallaşıb.

İqtisadi  Əməkdaşlıq  Təşkilatı ölkələri  arasındakı  münasibətlərdə   iqtisadi  komponentlər   üstünlük  təşkil  edir  və  siyasi  istiqamət  daha  az  ifadə  olunub. Noyabrın 9-da Özbəkistan Respublikasının  paytaxtı  Daşkənd  şəhərində  İqtisadi  Əməkdaşlıq  Təşkilatının  16-cı  Zirvə  toplantısı  keçirilib.  Azərbaycan Respublikasının  Prezidenti  İlham  Əliyev  tədbirdə  iştirak  edib. Özbəkistan  Respublikasının  Prezidenti  Şavkat   Mirziyoyev   Prezidenti   İlham  Əliyevi, digər  dövlət   və  hökumət başçılarını  qarşıladı. Azərbaycan və Özbəkistan  arasında  strateji  tərəfdaşlıq  uğurla  inkişaf  edir.  Şavkat Miromonoviç Mirziyoyev  yenidən   Özbəkistan  Prezidenti   seçildikdən  sonra  ilk  dövlət   səfərini   Azərbaycana edib.

Ötən  ay  ECO  Nazirlər  Şurasının  iclası  Şuşada  keçirilib. Azərbaycanın  nəqliyyat  və  logistika   infrastrukturu  ECO-nun  üzv  dövlətləri  üçün  açıqdır. Azərbaycan  ECO-nun   Təmiz  Enerji  Mərkəzinin  ev  sahibi  kimi  rəsmi  olaraq   təsdiqlənib. Azərbaycanın neft və qaz ehtiyatları ilə zəngin olmasına baxmayaraq, biz bərpa olunan  enerji  sektorunun inkişsfına xüsusi diqqət yetiririk. Azərbaycanın  bərpa  olunan  enerji  potensialı  quruda  37  qiqavat   külək   və  günəş  enerjisi, Xəzər  dənizinin  ölkəmizə  məxsus  sektorunda  isə  157  qiqavat  külək   enerjisi  təşkil  edir.  Azərbaycan  yaxın  gələcəkdə  yaşıl  və   hidrogen  enerjisinin  ixracatçısına  çevriləcək. Azərbaycan ECO-nun üzv dövlətləri ilə ikitərəfli və çoxtərəfli əməkdaşlığı daha da genişləndirməkdə qərarlıdır və  təşkilatın növbəti Zirvə görüşünə ev sahibliyi etməyə hazırdır.

Nəsirova Ofelya,
KBTRL-nin tarix müəlliməsi