Azərbaycan Prezidenti İlham Əliyevin oktyabrın 13-də Laos Prezidenti Thonqlun Sisulitin səfəri zamanı verdiyi bəyanat nəqliyyat və logistika sahəsində gələcək əməkdaşlıq imkanlarını gündəmə gətirdi. Laosun qonşu ölkələrlə dəmir yolu bağlantılarını inkişaf etdirməsi perspektivdə yeni beynəlxalq nəqliyyat marşrutlarına çıxışını genişləndirə bilər. Bu əlaqələrin gələcəkdə Transxəzər istiqaməti ilə mümkün uzlaşdırılması Azərbaycan üçün də maraqlı perspektivlər yarada bilər.
Azərbaycan son illərdə nəqliyyat-logistika infrastrukturunun inkişafına yönəlmiş mühüm layihələr həyata keçirib. Prezident İlham Əliyevin qeyd etdiyi kimi, əsas nəqliyyat layihələri tamamlanıb və hazırda yeni yük mənbələrinin cəlb edilməsi, yük həcmlərinin artırılması əsas diqqət mərkəzindədir. Bu yanaşma ölkənin tranzit imkanlarından daha səmərəli istifadə etməyə yönəlib.
Laosun dəmir yolu əlaqələrinin regional şəbəkələrlə inteqrasiyası onun beynəlxalq ticarətdə iştirak imkanlarını genişləndirə bilər. Lakin yeni marşrutların səmərəli olması üçün tranzit prosedurları, yükdaşımaların dəyəri, infrastruktur uyğunluğu və daşınma müddətləri nəzərə alınmalıdır. Azərbaycanla mümkün əməkdaşlıq da bu amillərin hərtərəfli araşdırılmasını tələb edir.
Nəqliyyat sahəsində əlaqələrin inkişafı müvafiq dövlət qurumları və logistika şirkətləri arasında məlumat mübadiləsi ilə dəstəklənməlidir. Potensial yük axınlarının müəyyənləşdirilməsi və marşrutların iqtisadi səmərəliliyinin qiymətləndirilməsi gələcək qərarlar üçün əsas yarada bilər. Bu prosesdə biznes dairələrinin iştirakı da mühüm əhəmiyyət daşıyır.
Azərbaycan-Laos arasında nəqliyyat əməkdaşlığının perspektivləri konkret layihələrin hazırlanması və qarşılıqlı imkanların düzgün qiymətləndirilməsi ilə bağlıdır. Azərbaycanın tranzit infrastrukturu ilə Laosun regional dəmir yolu əlaqələri arasında mümkün bağlantılar əlavə iqtisadi imkanlar yarada bilər. Prezident İlham Əliyevin bəyanatı bu istiqamətin araşdırılmasının əhəmiyyətini göstərir.
Mələk Nağıyeva,
YAP Nizami rayon təşkilatının “Qara Qarayev prospekti, 2b” ərazi partiya təşkilatının sədri
