Azərbaycan–Slovakiya münasibətlərinin inkişafında yeni mərhələnin başlandığını nümayiş etdirən mühüm siyasi sənəd kimi qiymətləndirilir. Bu bəyanat iki ölkə arasında mövcud dostluq münasibətlərinin daha da möhkəmləndirilməsi, qarşılıqlı etimadın artırılması, iqtisadi, enerji, nəqliyyat, humanitar və digər sahələrdə əməkdaşlığın genişləndirilməsi baxımından xüsusi əhəmiyyət daşıyır. Bəyanatda səsləndirilən fikirlər Azərbaycan Respublikasının xarici siyasət kursunun əsas istiqamətlərini, beynəlxalq əməkdaşlığa verdiyi töhfələri və Avropa ölkələri ilə qarşılıqlı faydalı tərəfdaşlığın inkişafına göstərdiyi diqqəti bir daha ortaya qoymuşdur.
Prezident İlham Əliyev çıxışında Azərbaycan ilə Slovakiya arasında siyasi dialoqun yüksək səviyyədə olduğunu vurğulamış, dövlətlərarası münasibətlərin qarşılıqlı hörmət və etimada əsaslandığını qeyd etmişdir. Dövlət başçısı bildirmişdir ki, ölkələr arasında müxtəlif sahələri əhatə edən əməkdaşlıq üçün geniş imkanlar mövcuddur və bu imkanlardan səmərəli istifadə edilməlidir. Qarşılıqlı səfərlər, yüksək səviyyəli görüşlər və imzalanan sənədlər münasibətlərin gələcək inkişafı üçün möhkəm hüquqi baza formalaşdırır.
Bəyanatda iqtisadi əlaqələrin genişləndirilməsi əsas istiqamətlərdən biri kimi təqdim olunmuşdur. Prezident İlham Əliyev qeyd etmişdir ki, ticarət dövriyyəsinin artırılması, investisiya layihələrinin həyata keçirilməsi, sənaye, kənd təsərrüfatı, innovasiya, yüksək texnologiyalar və digər sahələrdə əməkdaşlığın genişləndirilməsi hər iki ölkənin maraqlarına cavab verir. Azərbaycanın əlverişli coğrafi mövqeyi, zəngin iqtisadi potensialı və həyata keçirdiyi islahatlar xarici investorlar üçün geniş imkanlar yaradır.
Bəyanatda həmçinin humanitar sahədə əməkdaşlığın genişləndirilməsi də xüsusi yer tutmuşdur. Təhsil, elm, mədəniyyət, turizm və gənclər siyasəti istiqamətlərində həyata keçirilən layihələr xalqlar arasında qarşılıqlı anlaşmanın möhkəmlənməsinə xidmət edir. Tələbə mübadiləsi proqramlarının genişləndirilməsi, universitetlər arasında əməkdaşlığın artırılması və mədəni tədbirlərin keçirilməsi münasibətlərin uzunmüddətli inkişafına mühüm töhfə verir.
Prezident İlham Əliyev Azərbaycanın beynəlxalq hüququn norma və prinsiplərinə sadiq olduğunu, dövlətlərin suverenliyi və ərazi bütövlüyünün daim dəstəkləndiyini bir daha bəyan etmişdir. Azərbaycanın regionda sülhün, sabitliyin və təhlükəsizliyin möhkəmləndirilməsi istiqamətində atdığı addımların beynəlxalq ictimaiyyət tərəfindən yüksək qiymətləndirildiyi qeyd olunmuşdur. Dövlət başçısı regionda davamlı sülhün təmin edilməsinin yalnız beynəlxalq hüquq prinsipləri əsasında mümkün olduğunu vurğulamışdır.
Slovakiya Prezidenti Peter Pelleqrininin Azərbaycana rəsmi səfəri və Prezident İlham Əliyevin bu səfər zamanı verdiyi bəyanat iki ölkə arasında dostluq və strateji tərəfdaşlığın daha da möhkəmlənəcəyini göstərən mühüm siyasi hadisədir. Bəyanatda əks olunan fikirlər gələcək əməkdaşlığın əsas istiqamətlərini müəyyənləşdirir, qarşılıqlı etimadı gücləndirir və Azərbaycan ilə Slovakiya arasında münasibətlərin yeni inkişaf mərhələsinə qədəm qoyduğunu nümayiş etdirir.
Yunis Eyyubov,
YAP Ağstafa rayon təşkilatının əməkdaşı
