2026-cı il iyunun 22-də Azərbaycan Respublikasının Prezidenti İlham Əliyev ilə Türkmənistan Prezidenti Sərdar Berdiməhəmmədov arasında keçirilən görüş və görüşdən sonra mətbuata verilən bəyanatlar iki qardaş ölkə arasındakı münasibətlərin yüksək səviyyədə inkişaf etdiyini bir daha nümayiş etdirdi. Prezident İlham Əliyev çıxışında Azərbaycan ilə Türkmənistan arasında siyasi dialoqun, iqtisadi əməkdaşlığın və humanitar əlaqələrin ardıcıl şəkildə genişləndiyini vurğuladı.
Dövlət başçısı qeyd etdi ki, Azərbaycan və Türkmənistan ortaq tarixə, mədəniyyətə və mənəvi dəyərlərə malik dost və qardaş ölkələrdir. Son illər ərzində qarşılıqlı səfərlərin intensivləşməsi, müxtəlif sahələrdə imzalanan sənədlər və həyata keçirilən birgə layihələr münasibətlərin strateji xarakter daşıdığını təsdiqləyir.
Prezident İlham Əliyev nəqliyyat-logistika sahəsində əməkdaşlığın əhəmiyyətinə xüsusi diqqət çəkərək, Xəzər dənizi vasitəsilə həyata keçirilən yükdaşımaların həcminin artdığını və Orta Dəhlizin inkişafında Azərbaycan ilə Türkmənistanın mühüm rol oynadığını bildirdi. Bu istiqamətdə görülən işlər regionun iqtisadi potensialının daha səmərəli istifadəsinə və beynəlxalq ticarət əlaqələrinin genişlənməsinə xidmət edir.
Bəyanatda enerji sahəsində əməkdaşlıq məsələləri də ön plana çəkildi. Prezident İlham Əliyev enerji təhlükəsizliyinin təmin olunmasında tərəfdaşlığın əhəmiyyətini vurğulayaraq, iki ölkənin bu sahədə qarşılıqlı faydalı əməkdaşlıq üçün geniş imkanlara malik olduğunu qeyd etdi. Humanitar və mədəni əlaqələrin inkişafı da görüşün əsas mövzularından biri oldu. Dövlət başçısı xalqlar arasında dostluq və qardaşlıq münasibətlərinin daha da möhkəmləndirilməsi üçün mədəni, təhsil və digər sahələrdə əməkdaşlığın genişləndirilməsinin vacibliyini diqqətə çatdırdı.
Prezident İlham Əliyevin mətbuata bəyanatı göstərdi ki, Azərbaycan–Türkmənistan münasibətləri qarşılıqlı etimada, dostluğa və strateji maraqlara əsaslanır. Bu səfər və aparılan müzakirələr iki ölkə arasında əməkdaşlığın yeni istiqamətlər üzrə inkişafına, regionda sabitliyin və rifahın möhkəmlənməsinə mühüm töhfə verəcəkdir.
Yalçın İsmayılov,
YAP Ağstafa rayon təşkilatının sədr müavini
