26 İyun – Silahlı Qüvvələr Günü Azərbaycan xalqının qürurla qeyd etdiyi əlamətdar günlərdən biridir. Bu tarix milli ordumuzun yaranmasının başlanğıcı olmaqla yanaşı, dövlətçiliyimizin mühüm sütunlarından birini ifadə edir.
Müstəqilliyimizin ilk illərində mürəkkəb vəziyyətlə üzləşən Azərbaycan güclü ordu quruculuğuna böyük ehtiyac duyurdu. Ümummilli Lider Heydər Əliyevin uzaqgörən siyasəti nəticəsində bu sahədə ciddi dönüş yaradıldı.
Ordu quruculuğuna göstərilən diqqət sonrakı illərdə də davam etdirilərək Silahlı Qüvvələrimizin inkişafını təmin etdi. Hərbi hissələr yenidən quruldu, müasir silah sistemləri əldə edildi.
Ali Baş Komandan İlham Əliyev rəhbərliyi altında Azərbaycan Ordusu dünyanın nüfuzlu hərbi qurumları sırasında yer almağa başladı. Döyüş hazırlığı və peşəkarlıq baxımından mühüm nailiyyətlər əldə edildi.
2020-ci ilin Vətən müharibəsində qazanılmış böyük Zəfər ordumuzun qüdrətinin ən parlaq göstəricisi oldu. Azərbaycan əsgəri öz vətən sevgisi və qəhrəmanlığı ilə tarix yazdı.
Şəhidlərimizin müqəddəs xatirəsi daim ehtiramla anılır. Qazilərimizin göstərdiyi igidlik xalqımızın qəlbində əbədi yaşayır.
Bu gün Azərbaycan Ordusu ən müasir texnologiyalarla təchiz olunmuş, peşəkar və güclü hərbi qüvvədir. Ordumuz ölkəmizin təhlükəsizliyinin etibarlı təminatçısıdır.
Silahlı Qüvvələr Gününün qeyd olunması hər bir vətəndaşda vətənpərvərlik hisslərini daha da gücləndirir. Qalib Ordumuzun şanlı yolu gələcək uğurların da əsasını təşkil etmişdir.
Lalə Həsənova,
YAP Nizami rayon təşkilatının fəalı
