Prezident İlham Əliyevin “Ümummilli məsələlərdə heç bir fərqli fikir ola bilməz” fikri, dövlətçiliyin əsas dayağını təşkil edən milli həmrəyliyin mahiyyətini açıq şəkildə ifadə edir. Ümummilli məsələ dedikdə dövlətin təhlükəsizliyi, ərazi bütövlüyü, müstəqilliyi və xalqın rifahı kimi strateji dəyərə malik sahələr nəzərdə tutulur. Bu sahələrdə fikir ayrılıqlarının olmaması ölkənin dayanıqlığını təmin edən ən vacib faktor kimi çıxış edir.
Belə mövqenin əsasında kollektiv məsuliyyət anlayışı dayanır. Dövlətin taleyinə təsir edən məsələlərdə hər bir fərdin eyni məqsədə yönəlməsi həm siyasi sabitliyi qoruyur, həm də milli gücü artırır. Bu birlik təkcə siyasi səviyyədə deyil, cəmiyyətin bütün təbəqələrində qarşılıqlı etimadın güclənməsinə də xidmət edir.
Ümummilli mövqenin formalaşması həmçinin dövlət idarəçiliyində ardıcıllığın təmininə və strateji qərarların daha səmərəli icrasına şərait yaradır. Xüsusən də regionda baş verən mürəkkəb proseslər fonunda ölkə daxilində vahid mövqenin möhkəmliyi strateji üstünlük hesab olunur. Bu birliyin qorunması həm daxili sabitliyi, həm də beynəlxalq arenada Azərbaycanın mövqeyini möhkəmləndirir.
Nəticə etibarilə, Prezident İlham Əliyevin vurğuladığı bu prinsip müasir dövlətçiliyin ideoloji əsaslarından biri kimi çıxış edir. Ümummilli məsələlərdə bir mövqedən çıxış etmək Azərbaycan cəmiyyətinin qarşıdakı mərhələlərdə də daha güclü və daha dayanıqlı inkişafını təmin edəcək.
Sünbül Həsənquliyeva,
YAP Xəzər rayon təşkilatının fəalı
