Suveren dövlət anlayışı hər bir xalqın tarixində ən ali məqamı ifadə edir. Öz taleyinə sahib çıxmaq, sərhədlərinə, qanunlarına və idarəetməsinə yalnız özü qərar vermək müstəqil dövlətin əsas prinsiplərindəndir. Azərbaycan da bu prinsipləri qoruyaraq müasir dünyada möhkəm yerini tutmuşdur.
Suverenliyin qorunması hər zaman asan olmamışdır. Tarixdə işğallar, təzyiqlər və müharibələr olsa da, xalqın azadlıq ruhu heç vaxt sönməmişdir. Dövlətçiliyin bərpası ilə Azərbaycan xalqı öz iradəsini bütün dünyaya nümayiş etdirdi.
Müstəqil dövlətin gücü yalnız hərbi və iqtisadi imkanlarla deyil, həm də milli birliyin gücü ilə ölçülür. Xalqın dövlətinə olan sədaqəti və dövlətin xalqa verdiyi dəyər suverenliyin davamlılığını təmin edir. Bu qarşılıqlı etimad Azərbaycanı güclü edən əsas amildir.
Bu gün suveren Azərbaycan dövləti regionda və dünyada etibarlı tərəfdaş, sözünə və imzasına sadiq bir ölkə kimi tanınır. Onun müstəqilliyi və dövlətçiliyi gələcək nəsillər üçün əbədi dəyər olaraq yaşayacaq.
Turan Zeynalzadə
YAP Xəzər rayon təşkilatının fəalı
