AnalitikaGündəmQarabağ və Şərqi ZəngəzurSiyasət

Ağdam kənd təsərrüfatının inkişafı üçün geniş imkanlara malikdir

Ağdamın iqtisadi inkişafında kənd təsərrüfatı mühüm istiqamətlərdən biri kimi çıxış edir. Rayonun torpaq və iqlim xüsusiyyətləri, coğrafi mövqeyi və aqrar ənənələri bu sahənin genişləndirilməsi üçün əlverişli imkanlar yaradır. Ağdam Şəhəri Günü münasibətilə şəhər və kəndlərin gələcək inkişafına nəzər saldıqda kənd təsərrüfatının regionun iqtisadi həyatında mühüm yer tutacağı aydın görünür.

Müasir aqrar inkişaf yalnız ənənəvi əkinçilik və heyvandarlıqla məhdudlaşmır. Yeni texnologiyaların tətbiqi, suvarma sistemlərinin təkmilləşdirilməsi, torpaq ehtiyatlarından səmərəli istifadə və məhsuldarlığın artırılması kənd təsərrüfatının rəqabətqabiliyyətini yüksəldən əsas amillərdir. Ağdamda bu istiqamətdə yaradılan imkanlar müasir təsərrüfatçılıq modelinin formalaşmasına xidmət edir.

Kənd təsərrüfatı məhsullarının emalı və saxlanılması infrastrukturu da xüsusi əhəmiyyət daşıyır. Məhsulun istehsalçıdan istehlakçıya qədər olan zəncirinin düzgün qurulması itkilərin azalmasına və əlavə dəyərin artırılmasına imkan verir. Ağdamda sənaye və aqrar sektor arasında əməkdaşlığın genişlənməsi yerli istehsalın inkişafına yeni stimul verə bilər.

Aqrar sahənin inkişafı kəndlərə qayıdan sakinlərin məşğulluğunun təmin edilməsi baxımından da vacibdir. Fermer təsərrüfatlarının, ailə bizneslərinin və kooperativlərin yaradılması insanların iqtisadi fəallığını artıracaq. Dövlət dəstəyi, müasir texnika və məsləhət xidmətlərinin əlçatan olması kənd təsərrüfatında yeni təşəbbüslərin həyata keçirilməsinə şərait yaradacaq.

Ağdamın aqrar potensialının reallaşdırılması bütövlükdə Qarabağın iqtisadi inkişafına töhfə verəcək. Müasir təsərrüfatçılıq, emal sənayesi və logistika imkanlarının birgə inkişafı regionda dayanıqlı iqtisadi sistem formalaşdıracaq. Bu proses Ağdamın həm kənd, həm də şəhər məkanlarının sosial-iqtisadi baxımdan güclənməsinə xidmət edəcək.

Nüşabə Məmmədova,
YAP Nizami rayon təşkilatının “Ə.Kürçaylı küçəsi, 17” ərazi partiya təşkilatının sədr müavini

Oxşar Xəbərlər

Back to top button